اشعار بالخليجي

واللي خلق ظلما الليالي في العيون الهاجعه
اني من الحرمــان اتســائل وحرماني جواب
يــوم الوداع تخيـلي مــالي حبيـب اوادعــه
محروم انا وتخيلي محروم حتى من العذاب





اذكريني لانتهت للشمس رحله مع نهار ا
ذكريني لاصحا للصبـح ورد الـيـاسمين
اذكريـني لالـمحتي لليــــل بــرد ونــار
واذكريني لاسمعتي للمطر صوت حزين







كانك على قولك تمنى لي الخير
ساعــدني انسى حبـك اللي خذاني
خلي حيــاتي تـنـقلب كلـها غـير
وانسى الحبايب والزمن والمكاني







شي طبيــعي نـختــلف ونتــفـارق
اللي غريــب انـا بيــــوم اجتــمعنا
تطيح شمس وغصن الايـام وارق
وتموت كلمة شوق وتعـيش معنى
ماتسعف الغرقان صيحات غارق
عاجز .. وعاجز كيف بس اجتمعنا؟!







آه لو انك ترمي الدنـيــا وراك
وارمي الدنيا وراظهري واجيك
كان تدري ان الغلا كله غلاك
وكـان تدري وشكثر قلبي يبيـك







لاتقول الليــــالي فرقـتنا
لاتقول ظروفنا عيت علينا
الليالي يوم ودك جمعتنا
يـوم ودك كل شي في يدينا







في عز ماكنت اهوجس فيك وافتح لك
ابواب قلبي خذتني رجلي لبـابك
وجيتك وانا ماذكر اني كنت رايح لك
بس اذكر اني كذا لاطول غيابك







مرت على قلبي وهي عايشه فيه
تـقول بـعد الحــب لاتنتظرني
مرت على جرح الليالي تصحيه
نسى شقاها كل درب وذكرني
من حب ماينسى ولو حب ناسيه
هذا الذي لـيلة جـفـاهـا قهرني







شفتك مع اللي صار عقبي حبيبك
واحتـارت الدمـعه بعيني وصديت
مدري الـصــدفه لدربي تــجيـبك
مدري انا اللي في دروبك تحريت







لاجيــت انـا باسامــحــك
تبكي الجــــراح مـاودهــا
مشتــاق ودي اصــافحك
وعيـــت يــــدي لامــدهــا






كـان قلـبي بحبـل الصبر متشدد
لين سقت الاقدام في مدرج صباها
وذاب شوق ووله ولساني يردد
يــــوم الاطلال نــادت له ولبــاهـا
جمــــلـة ردهـا للـحيـرة يـبــدد
يامرابـع صبــاها وين دنيــاهــا ؟!





قول احبك يبتسم عالم خيالي
واحلم اني مالك الدنيا لحالي
واشتري كل النجوم من السما
وما اخلي ورده تشعر بالضما
قول احبك ..







يا اقرب من نظر عيني لعيني
يا ابعد من حنانك عن حنيني
امانه كيف تنسيني
وانا من ليلة التوديع إلين اللحين
اشم ايديك بإيديني ..







طيفك ملا كل الليالي
وافي مثل جرحي .. اغفي معه واصحي
غير صور كل البراويز .. شال الصور حط العزيز
اقفل علي الباب .. وحدي بلا احباب
يرفع ظلام ستارتي .. ويدخل بلا اسباب
طيفك غريب .. طيفك قريب
طيفك ابد ما يشبهك
وافي وحبيب







انا حزن الشمس لحظات المغيب
ينطفي نور العمر لما تغيب
وانطوي مثل الحنين بقلب عاشق
يمكن اهون لو اموت .. وماتفارق
يامعلمني احبك .. حيل احبك
اغلى من روحي احبك





احك لي الصدق
ان الامل من قبل اعرفك كذب
والتضحيه اوهام
واني انا من قبل اعرفك .. كنت اعرف انام
كان السهر مو هالسهر
لعب واغاني واختصار
صار السهر تفكير .. صار انتظار .. صار احتضار
صار السهر .. تنهيدتين ونار

يسلموا